عيون حلوين ..ك هلاوي

[تباريح الهوى]

عشان خاطر عيون حلوين
بشوف في رموشها ليل ونهار
ولهفة تشيل مشاعرنا
تقصر للخطي المشوار
نجيكم نحنا مشتاقين
فراشات تسأل النوار
وخضرة قولنا عند اللقيا
ياالسمحين تجف تحتار

اغلطو إنتو يا احباب
نجيكم إحنا بالاعذار
عشان خايفين تسيبونا
عشان خايفين نعيش في ودار
حزين قلبآ بزورو الحب
يا ريتو لو ما زار

شلنا الريده يا احباب
يباس ايامنا شلنا خدار
إنتو املنا إنتو اهلنا
في غربتنا إنتو الدار
وشراع الريد بعيد عدي
ويتحدي الزمن لو جار