هل كان قرنق نلسودن مانديلا السودان- يوجد فيديو

[طارق جورية]

......................................

[طارق جورية]

http://www.youtube.com/v/QtUbjpydGBs

[طارق جورية]

عندها لم يجيبني احد


حقا انه كان نلسون مانديلا السودان

[تاج السر عبداللطيف]

عندها لم يجيبني احد


حقا انه كان نلسون مانديلا السودان

العزيزطارق
الدكتور قرنق كان بقول أنا دى كرنق دى
مع وهدة السودان
لكن الصقور ناشوهو قبل ترتيب البيت
حتى لو لم يغتال كانت المواقف السياسية حتتغير
لأنهم كلهم عايزين (الإنفصال) حتى ناس المؤتمر
كل أهل الحركة
مانديلاز (Mandilas) لكنهم بدرجات وأولهم (باقان)
بس حجرك طش من حلقو
لازم نهنيهم قبل يوليو 2011م ورايك شنو؟؟
الود والتقدير ليك بالجرانين

[طارق جورية]

العزيزطارق
الدكتور قرنق كان بقول أنا دى كرنق دى
مع وهدة السودان
لكن الصقور ناشوهو قبل ترتيب البيت
حتى لو لم يغتال كانت المواقف السياسية حتتغير
لأنهم كلهم عايزين (الإنفصال) حتى ناس المؤتمر
كل أهل الحركة
مانديلاز (mandilas) لكنهم بدرجات وأولهم (باقان)
بس حجرك طش من حلقو
لازم نهنيهم قبل يوليو 2011م ورايك شنو؟؟
الود والتقدير ليك بالجرانين

اخونا تاج السر التحايا من الاعماق

اعتقد و اكون جازما ان قرنق كان احد المفاتيح الهامة و الهامة جدا
في موضوع وحدة السودان فهو كان يحمل فكرا لا قلا ( بكسر القاف)
و لا حقدا كان يؤمن بالسودان الجديد الذي نختلف معه فيه لكنه
مشروع وحدوي و كان يؤمن بتعدد الثقافات و لايلغي الاخر كما فعل
الرفاق ولا اقصد رفاق لينين او رفاق عفلق

حقا وجبت التهنئة للانفصال في زمن التوحد
وخوفي من بكره

و كلنا واحد يا عبد الواحد

مع عاطر مودتي

[ميرغنى قناوى فضل]

كتبت خطاب للسيد/ الرئيس فى موضوع الانفصال وكان مفروض الجنوب يكون مستقل من بداية الاستقلال لانهم تنادوا بالاستقلال بطرق شتى ( الكونفدرالية - الوحدة ) واصلا ما كان فى داعى الناس تموت بالمئات من الطرفين ولمن نحن فى الاخير خلاص اتفقنا نعمل استفتاء ومعروف نتيجة الاستفتاء ما كان فى داعى نزيد بيننا الاحقاد ونبعد المسافات 00 صدق كان اشرف
وافضل انه يوم 1/1/2011م نقول لاخوانا الجنوبيين خلاص اعملوا دولتكم والحكومة كلها تمشى جوبا وتحتفل باستقلال دولة الجنوب زيما مشوا ارتريا لمن استقلت من الحبشة 00 بكرة الجنوبيين بيرقصوا براهم ونحن خشمنا ملح ملح لأنهم انتزعوا الحرية انتزاع وغصبا عن عين أى انسان فى الدنيا 00 وكان ساهل جدا انك ترجع الجنوب فى حظيرة الوطن اذا ناس المؤتمر الوطنى قالوا ليهم خلاص اذهبوا انتم الطلقاء ونقول ليهم اعملوا دولتكم بعد 3 سنوات نرجو نصوت ( كل السودان ) عاوزين وحدة ولا نكون كدة واصحاب00وكمان الحكومة مفروض كان تبادل استقلال الجنوب ب( ديون السودان 40 مليار دولار -- رفع اسم السودان من قائمة الدول الداعة للأرهاب 00 موضوع المحكمة الجنائية --- حل مشكلة درافور --- اسع الحكومة بقت ما عندها اى ورقة ضغط 00 وكمان ما ننسى موضوع ابييى شوكة الحوت 00واسع كمان ما قدامنا الا نعيش مع بعض جيران 000
وبلاش نحفر لبعض ونعمل مشاكل 00 الله يسهل امور السودان ويبعد عننا كل سوء وشر
ميرغنى قناوى

[هاشم عبداللطيف]

واصلا ما كان فى داعى الناس تموت بالمئات من الطرفين


كلامك زي لبن البدرة مع العسل الحضرمي فرز أول

زي ما بيقول ود حسين

بس منو البفهم قدر ده ويجنب البلد الويلات

لو كان عدد القتلى بالمئات لهانت الكارثة قليلاً

وا أسفاه
.