مكتبة عبد العزيز محمد داؤود (ابو داؤود)

[ود فضل]

ولد عبد العزيز محمد داؤود في مدينة بربر في عام 1930 وتلقي تعليمه في احدي خلاوي بربر.
ثم انتقل الي المدارس الاولية , توفي والده وتركه صغيرا فعمل بالتجارة ولكن كان الغناء يجري في دمائه منذ نعومة اظافره , فقد كان صاحب صوت جميل عزب صقلته تلاوة القرآن فزادته حلاوة وقد لاحظ ذلك شيخه في الخلوة فعلق علي صوته بانه جميل وسوف يكون له شأن كبير غني في ذلك الوقت في ختان احد اصدقائه وعندما سمع شيخه بذلك فصله من الخلوة فكانت تلك بدايته حيث انه اتجه الي مجال الفن , كان يستمع الي كبار الفنانيين آنذاك مثل كرومة وسرور و الامين برهان و زنقار حتي تأثر بهم .
اثري الفنان عبد العزيز محمد داؤود الحياة الفنية بروائع اغاني الحقيبة و اغانيه الخاصة وعشقه الكثيرون من ذوي الزوق الرفيع , بني عبد العزيز محمد داؤود مجده الغنائي , وهو بعد متين , علي قصائد انشأهن عوض حسن احمد مثل (فينوس) ثم جأت (صغيرتي) ثم (هل انت معي ) للشاعر المصري محمد علي احمد واسهم عبد المنعم عبد الحي في ذلك العقد المتلالي بقصيده ( لحن العزاري) . وبازرعة ( صبابة) وحسين عثمان منصور (اجراس المعبد) ولا بد اننا نؤمن اليوم ان عبد العزيز داؤود قد اجاد الغناء بالعامية و الفصحي كليهما .
تعامل عبد العزيز مع الكثير من الملحنين و الشعراء الا ان اكثر من ارتبط اسم عبد العزيز به كان الاستاذ المرحوم برعي محمد دفع الله و الاستاذ بشير عباس عازفي العود المجيدين.
رحل ابوداؤود ولم يترك غير هذا التراث الضخم وهذه السيرة العطرة وماتزال قفشات ابوداؤود ونكاته تثير البهجة في نفوس كل السودانيين ومازال ابوداؤود يطرب كل من عشق وعرف معني التطريب و مابرحنا نسمعه يقول (مناي في الدنيا قبل الرحيل اخلي العالم طربا يميل) …

غني ابوداؤود للعديد من عمالقة الشعراء السودانيين نذكر منهم علي سبيل المثال لا الحصر : محمد البشير عتيق ..ود الرضي ..محمد علي احمد …محمد احمد سرور …صالح عبد السيد (ابو صلاح) .. كرومة ..عمر البنا …ابراهيم العبادي …محمد محمد علي ..خليل فرح ..بازرعة ..علي المساح ..عبد المنعم عبد الحي ..سيد عبد العزيز ..عبيد عبد الرحمن ..عوض حسن احمد .. احمد محمد اسماعيل ..حسين عثمان منصور ..احمد فلاح ..عبد الرحمن الريح .. الطاهر محمد عثمان .. عبد القادر ابراهيم تلودي .. محمد يوسف موسي .. عثمان محمد داؤود ..علي ابراهيم .. مكي السيد .. محمد الزبير رشيد .. الزين عباس عمارة .. فضل الله محمد .. اسحق الحلنقي .. الصادق الياس .. نعمان علي الله .. ايوب صديق .. موسي حسن .. حسن محمد حسن .. اسماعيل حسن .. عوض احمد خليفة .. مبارك المغربي .. حسن التني .. احمد عبد المنطلب (حدبـــــاي ) .. احمد ابراهيم الطاش عبد الله النجيب ..

حسب احصائية اذاعة امدرمان يبلغ عدد الاغاني المسجلة رسميا بمكتبه الاذاعة 186 اغنية , منها 31 اغنية من اغاني الحقيبة و 45 لحن للموسيقار برعي محمد دفع الله ثم عدد من التسجيلات و الاناشيد و المدائح النبوية و الابتهالات وعددها اكثر من 49 عمل و في مجال الاناشيد الوطنية فله اكثر من 35 نشيدا وطنيا و ايضا له اكثر من 20 مقابلة ولقاء اذاعيا مختلفا هذا بالاضافة الي عدة تسجيلات في ترتيل القران الكريم .. اكثر شاعر تغني له الراحل هو الشاعر الطاهر محمد عثمان شاعر عطبرة وهي مسقط رأس عبد العزيز محمد داؤود

[ود فضل]

جاهل وديع

جاهل وديع مغرور

فى احلام صباه

نايم خلى ومسرور

ماعرف الهوى

فى سورو داخل سور

فى روض الزهور غنى

قصور فى قصور

آية جمال مبهور

احلام الربيع

فى هيبة المنصور

باهى الدلال موفور

محجوب الخدور

ماهو الخليع وسفور

يذداد نفور فى نفور

واصبح قلبى فى

ايدو اليمين عصفور

لو ينفع المحزون

مالى ومال هواهو

الضامر المفزور

قاسى ومنيع مابزول

لكن دابو سال

جاهل صغير معزور

خلى الهلال فى حجور


متقلب نجوم

لافح حزارلايجور

مابرحم المهجور

محسور الجمال
قال برضى حكم
الجور

ناعس لواحظ حور

هاروت لو رآهن

مثلى كان مسحور

فاق الحسان الحور

فى خدو الزهور

زاهية وجواره بحور

[ود فضل]

عجباً..!


عجباً..!
يقول الناس إنك هاجرى
وأنا الذى ذوّبت فيك مشاعرى
سبّحت باسمك والنجوم سوامرى
حتى بكى قلبى بدمع محاجرى
قل لى بربك ، كيف تنسى الموعدا..؟
واليل أحلام وشوق غرّدا
والجدول الهيمان حولنا عربدا
كانت ذراعاك لرأسى مرقدا
عجبا أتنساها..؟ وتنسى المشهدا..؟
أنسيت أنك فى شعورى وفى دمى..؟
مهما بعدت وزاد منك تألمى
سأعيش بعدك راهبا فى مأتم
وتعيش أبدا ذكرياتك فى فمى
ما دام حبّك ياحياتى ملهمى

[ود فضل]

هل انت معى.؟


همسات من ضمير الغيب


تشجى مسمعي


وخيالات الأمانى


رفرفت فى مضجعي


وأنا بين ظنونى


وخيالى لا أعي


عربدت بي هاجسات الشوق


إذ طال النوى


وتوالت ذكرياتي


عطرات بالهوى


كان لى فى عالم الماضى


غرام وانطوى


كان لى بالأمس احلام


وشوق وحبيب


كان لى للجرح طبيب

لا يجاريه طبيب


كان ما كان وبتنا


كلنا ناءٍ غريب


سكر السمار والخمار


فى حان الغرام


وانا الصاحى ارى فى النور


اشباح الظلام


وبدت كأسى على راحى


بقايا من حطام


عادنى الوجد الى ليلى


وكأسى المترع


وسعير الحب يشقينى


ويشقى مضجعى


ولهيب الشوق يدعونى

فهل انت معى..؟

[ود فضل]

غبت عنى


أهدى أزكى بنات الخيال

غبت عنى أنت الوصال

لو ذكرت الحما والشباب


حنّ قلبى وزاد التهاب


صار حليفى الضنا والعذاب


والعذاب فى الهوى مستطاب

أين ذاك الباسم الصدود


هل نسانى وخان العهود


فاض غرامى وفات الحدود


السعادة تعود لو يعود


زان شبابو الحيا والعفاف


طبعو نافر ودايمن بخاف


خدو كالأزهار اللطاف


حلّ قلبى وملك الشغاف

هل يفيد الأسى والنواح


من فراقو أنا صبرى راح


مالو قلبى ازداد بالجراح


لو تناسى الأسى واستراح

[ود فضل]

مصرع زهرة



أينعت في الروض زهرة


وأكتست زهرا ونضرة


وبدت تزهو جمالا


فاح منه الطيب نشرا


فهي للنفس أمان


وهي للإلهام سحرا


أينعت لكن أراها ذبلت في ناظريا


أينعت لآكن أراها ساقها الموت فتيا


صَوحَتْ في الروض زهرة


الرزاز الحلو أودت همساته


والربيع الطل جفت نظراته


كانت الزهرة روحا قدسيا


ظنت الدنيا نعيما أبديا


عصف الموت بها شيئا فشيئا


فخبت في الروض زهرة

[ود فضل]

أنة المجروح




يا أنة المجروح


يا لروح حياتك روح


الحب فيك يا جميل

معنى الجمال مشروح


للحب زناد فى الجوف

زى الزناد مقدوح


منه الجبابرة تلين

لصوت بلابل الدوح


وتصاحب النسمات


تفضل معاها تروح


بين نغمة الأشواق


ومحاسن الممدوح


الناس تحب رؤياك


بالخاطر المشروح


يا ملفت الأنظار

يابسمة المفروح


وانا أهدىليك الحب


حب من فؤاد مجرود


حب الشحيح للمال


حب الجبان للروح


سورية فى السودان

بحبى ليكى أبوح


عنب جناين الشام

أتمنى منه صبوح


وانشد فؤادى الضال

بين الرياض مذبوح


وأرى الهلال فى ظلال


تلك الخميلة يلوح


أنا لو ضمنت رضاك

أكون سعيد ممنوح


يا من تسر رؤياك


تفرح وتنسى النوح


تكسى النهار بجمال


خديك جمال ووضوح


منه الغزالة تقيف


فى موقف المفضوح


من الوله للقاك


دمعى الغزير مسفوح


ناقم على الأيام


مع أنه طبعى صفوح


انا والخيال فى جدال


وانت بنداك منفوح


كل ما النسيم يغشاك

زى الحديقة تفوح


رايق كحيل نعسان


انسان رقيق وجموح


ساحر العيون بجمال


فى سواك ما مملوح


ان كان تميس بنميس


ان كان تموج بنموج


عدل الطبية جعل


جور الحبيب مسموح

[ود فضل]

صغيرتى


أوتذكرين صغيرتى


أو ربما لا تذكرين


الخمسة الأعوام قد مرت

ومازال الحنين


الشوق والأحلام

ما زالت تؤرق


والسنين


هل كان حبا يا ترى


أم كان وهم الواهمين


هل كان حبا لاهيا


أم كان شيئا كاليقين


هل كنت تعنين


الذى لى تدعين


ما زلت أذكر خصلة


عربيدة فوق الجبين


ما زلت أقرا فى السطور


فأستبين البعض


أو لا أستبين


والعطر والأنسام تغمرنى


بفيض الياسمين


منديلك المنقوش جانبه


أوتذكرين أوتذكرين


ما كان قصدى أن أبوح


وربما قد تصفحين

[ود فضل]

قـلبي هـمالو


قـلبي هـمالو خـديدك وجـمالو


مـعذب فـي هـواك مـالو

بـدر حـسنك لاح والـقليب مالو


لي هواك وشوق قلبي عمالو


يافريع ياسمين متكي في رمالو


قولي عاشقك وين ضاعت آمالو

شـعره حـاكه الـغيم حاجبه هلالو


فر بسمه غيم والبروق لألو


مـافي مـانع لـو مـوتي حلالو


افدي جوز تفاح صدره لو لالو

الشادن المحكول قلبي يصبالو


وأخشى من لحظه ومن رمي نبالو


كـم جـريح لـسهام عينه ضاربالو


وبيه لايدري ولا علي بالو

الـجوهر الـفردي الـماتلقي مثالو


ليه قلبي يلين وقلبو يقسالو


حبه صبحني وحسنه مسالو


غير رشيم في خدوده دموعي ماسالو

خصره ناحل زاد جسمي انحالو


طرفه ناعس نام وطرفي يصحالو


الـفريع الـلان دمـعي سحالو


يانسيم ارجوك شوفه كيف حالو

فـي الـنجوم مرفوع مجده يبنالو


بين سماك اعزل حظي مانالو


وحـرسه حـولو يدور استعدالو


والبدر لو غاب يضوي في بدالو

[ود فضل]

الأمير


مساء الخير يا الأمير

يا الحبك شغل الضمير


باهي طلعة وما ليك نظير

الزهر في خديك نضير


طيف خيالك بقى لي سمير

بحنانك أنا مستجير


عار الصيد منك عيون

وأهدت ليك البانة لون


مال ثمارك هدل الغصون

تقسى كيف الود يهون


إنت منظر يفرح رؤاك

إنت ديما الخير في خطاك


نشقى نحن وطالبين رضاك

تمسى بالخير ويسعد مساك


مساء الخير يا الأمير


يا الحبك شغل الضمير

[ود فضل]

نعيم الدنيا


كيف الحياه غير ليمك
في بعدك أصبح حظي زي لون هضليمك
يا نعيم الدنيا
يا حليف الخدري التايه في نعيمك
ما دام هاجرني أرسل لي نسيمك
وأنعش لي روحي بندى جسيمك
أو طيب المسك الفايح من تبسيمك
يا أماني حياتي البيك نور إقليمك
يتمنى التبري يلمع كأديمك
مشتاقه الشمس تظفر بي ليمك
تاخد من نورك تلثم لي قديمك
يا فرع البانه المايل في خميلك
من قامتوا حبيبي متعلم ميلك
يا البدر التم ما بتم تكميلك
لو ما تجعل لي محبوبي زميلك
سيوف الهندي من لحظة عينك
ليه بيها تصيبني إيه بيني وبينك
غير كوني بريدك و حياة خدينك
كف عني صدودك يا روحي و بينك
ليك حق في صدودك و تيهك و تذليلك
ليك حق تهجرني و يكتر تعليلك
ما دام فردي على جيلك
تمتاز بالعفه المانعني أجيلك
مع صدك و هجرك لا زلت أريدك
و منام عيني بين حظوظ جيدك
تيه بي نعيمك مولاي يزيدك
ضيعت حياتي تسلم لي إيدك

[ود فضل]

مهرة دنقلا


ردي علينا يا عينينا

سفرك طال متين الجية


مهرة دنقلا اللصافة

سادل ديسا لاكتافها


ما ممكن أجيب أوصافها

تبكي تبكي كل الشافا


حداد أنا عندي يوم سافرت

فيه بكيت وما أستغفرت


بكل الغواني كفرت

صفر قطرك أنا أنتحرت


ما ممكن هواك أداري

بحالي العلي ما داري


يا ساكن قريب لداري

راقي وسامي لونه سماري


في شمبات حليل مجلسنا

الحيا والعفاف حارسنا


أستاذ الغرام درسنا


لشجر المحنة غرسنا


أيامنا المضت يا حليلا

كنت معانا في كل ليلة


كنت حياتنا كنت دليلا

كيف أمسيت أنت الليلة

[ود فضل]

جلستنا رايقه


جلستنا رايقه

وافكارنا فايقه

النيل امامنا

وساقيتنا سايقه

الليل الليل يا ليل

حلو المناظر

يا الليك بغازل

بخاف عليك

كلام العوازل

نسامنا نسم

وزهرنا اتبسم

ارواحنا واحده

ما اظن تتقسم

شادينا غنى

والبان اتنى

يا حلاة الساده

النسونا اهلنا

[ود فضل]

زمن بنادي



متين يهل هلالي وأسمع المنادي


ينادي عن حبيبي وأقول ترك عنادي

لي زمن بنادي للخديدو نادي


يا ناس محبوبي ساكن قصد عنادي

اسامحو لو ازاني لو خلف ميعادي


حبيبي لو هجرني بحبو ما بعادي

احب تملي قربو يحب دوام بعادي


خلاني عن وصالو وشمت الاعادي

جميل وصف جمالك يحير الشوادي


مادام نفرت مني حملت قلبي غادي

تجدني لو اشاهد خدودك النوادي


اذوب من اللطافه يذوب معاي فؤادي

اراك اثرت قلبي ملكتو في الايادي


اراك نفور وجافي بعيد عن اصطيادي


يزيد مع جمالك من الهوى ازديادي


جمال خلاف جمالك يعيش اعتيادي

قولي كيف ينجح مع الخدود جهادي


مادام سحر عيونك مضيع اجتهادي

من الحميم شرابي من الجحيم مهادي


سهرت والكواكب تعلمت سؤالي

لي زمن بنادي للخديدو نادي


يا ناس محبوبي ساكن قصد عنادي

[ود فضل]

أول نظره


من أول نظره رشقتني عيونو


جذبتني فنونو وبقيت مجنونو


من أول نظره لم أخد حذرا


غير اني هويتو في قلبي اويتو


قدرت جمالو و اغراني دلالو


اجيد أشعارو حبيبي شعارو


جمال يسحرني بي لونوو نورو


الحيا و النظره و الدين والجبره

هم مصدر شوقي ومصيبتي الكبرى

بي الحب ابلاني وكمان خلاني


وفكاهة الامره

عاجباني رشاقه برسيمه و ضمره


في لونا سمره وفي عيونا حمرا


الليل و القمرا ضدين و اجتمعوا


بي سمرك ينعوا في اقامه رنعوا


حواري زمانا و حسان الجنه


بي النسبه لي حسنك ايه يعني يكونو

[ود فضل]

رياضنا الغناء



فارقت دورن جملة


تفرغ عيونى و تملا


يا حليل رياضنا الغناء

مر يا نسيم بجارى


و احكيلو كل الجارى


قول ليهو دمعه الجارى


فى خدوده سوى مجارى


يا حليل رياضنا الغناء

ذكرى الحبيب عاطرانى


كبت دموع ماطرانى


الذمة والاطرانى


سيان لو يطرانى


يا حليل رياضنا الغناء

شلخه الحسامى و خالو


ورمز الصليب فى خالو


بروحى لو اسخالو


سيد عين حياتى اخالو


يا حليل رياضنا الغناء


فقتى الحضر والبادى


فقتى الختم والبادى


سهمك برق عبادى


يمطر جمر فى اكبادى


ياحليل رياضنا الغناء

يا مى خيالك جانى


جنح الظلام ناجانى


هيج على اشجانى


والجانى ياناس جانى


يا حليل رياضنا الغناء

[ود فضل]

عروس الروض


ياعروس الروض ياذات الجناح ياحمامه


سافرى مصحوبه عند الصباح بالسلامه


واحملى شوق محبـاً ذا جراح وهيامه


سافرى من قبل يشتد الهجير بالنزوحى


واسبحى مابين امواج الاثير مثل روحى


فاذا لاح لكى الروض النظير فاستريحى

خبريها ان قلبى المستــهام ذاب وجدا


واسئليها كيف ذياك الغرام صار صدا


فهيامى لم يعد بعد هـيــام بل تعدا

رفرفي في روض الافق النضير وتغني


وانظري محبوبتي عند الاصيـــل وتأنـي


وهي ان تسألك عن صب عليل كان عني

فاذا ما اظهرت عطفا وليناً واشتاقا


فاجعلى مابيننا عهدا وثيقا واتفاقــــا


واسئليها رايها فى أي حين نتلاقــــى

فإذا ما أقبل الفصل المخيف برعوده


ما الذي يبقى من الورد اللطيف غير عوده


إن للحســـن ربيعا وخريف بوجـوده

واذا ابدت جفاء وصدود واعتسافا


فاتركيها انها فى ذا الوجود ستكافا


سوف ياتيها زمانٌ فتريد فتجافـــا

[ود فضل]

جسمي المنحول



جسمي المنحول براه جفاك يامليح الزى

كيف حبي يحول وفؤادي معاك يازينة الحى


حلمك ياجميل انا دانى رحول


تركني هواك بين ميت وحى

كيف ليك وصول وسكونك فوق لى سهيل


وثرى النوم من عيني دوام مفصول


دموعي تلاقى وتسرف رى

دى الساحره عقول


بروق في غيم ولا در فى لمى


خدودك أم ازهار في حقول


سقاني غرامك صافى حمى

الطرفه وأقول

احور متناعس ولحظه صحى


تشوف في قوامه المال مفقول


الظلمة شعور والقمره محى

أنا دمعي هطول

احن لي لماك وقاسى على


يصح في هواك تعذيبي يطول


بالبين أترابك لاهي خلى



من ردفه كسول

بى جيده وعينه يسبى ظبي


بالشوق يا نسيم ابقالى رسول


لو يعطف ثانية يزيل البى

[ود فضل]

من زمان



من زمن مستني عوده قلبي راحل


كنت بكتب ليهو بى دمى الرسائل


قلت فيها اشعاري وإتعذب ضميري


كل كلمه حنان يفيض يغمر سطوري


وكل حرف كتبته من اعماق شعوري


افتكرته يرد رسالتي يرد يطمني بخطابه


ما خطر في بالي يأسرني بعتابه


وينسي اول مره اغراني بشبابه


وكل ما ادلل بزيد اعجابي بيه


كنت شايف الجنة في نظرات عينيهو


و كل أسباب السعادة الكنت بتمناها ليهو


حبيبى كان جميل من قلبو ده لو يرحم عذابي


ياخى ده الدليل أنا شايفو عايش في خطابي


و كل أيام عمرو و لحظاتو الهنية


حاول يخفي شعورو و يتدلل عليّ

[ود فضل]

أهل الهوى


بالله يا أهل الهوى


فؤادى حابو ليه


جيبولى من حبو دوا


والحب دواهو ايه


بالله يا أحلى الأنام


بالله يا أجمل سمير


بالله يا أول غرام


بالله يا حبى الأخير


حباك قلبى وانكوى


والحب دواه ايه


تسحرنى يا ناير الخدود


ساحر الوجود مالك على


أنا دمعى فاض من الصدود


على الخدود من مقلتى


ما نابنى من حبك سِوى


دلال وصد وتيه


بالله يا سارى الغمام


يا جاى من وادى الحبيب


أنزل على قلبى سلام


أبرد حشاى واطفى اللهيب


فؤادى ذاب وانزوى


والحب دواه ايه

[ود فضل]

معبد الحب



دقت الأجراس في معبد الحب

ونادت الأفراح


ورقصت خمرة الأحباب في الكأس

وراحت تسكر الارواح


غني يافرحتي الكبري

وغني في الليالي حبنا


هللي ياضحكتي السكري ومني


ولتمني ياضحكتي السكري ومني


ولتمني حب قلبي والمني


انت يا انشودة الأحلام هني


ولتهني حب قلبي والمني


أنت ياشفاهٍ كلها ضحك

وهمس وابتسام


يا له صمت حواك

فحوي كل الكلام


ايها العشاق دارت كأسكم


يوم جئنا نصطلي من ناركم


وصدي الناي

وضفات الغدير تترنم


حمرة في الخد


أذاها العبير تتظلم


قصة في العين

والصمت المثير يتكلم


يا ندامي إملأوا الكأس

أديروها عليا


سوف أروي نار قلبي

إنه قسم عليا


إن خمرتى في شفاها


إن كأسي شفتي


ولتغنوا لحن حبي

وأعيدوه عليا

[ود فضل]

الفينا مشهودة


الفينا مشهودة


عارفانا المكارم انحنا بنقودا


والحارة بنخوضا


الزول بفتخر يباهي بالعندو


نحن اسياد شهامة والكرم جندو


ما في وسطنا واحداً ما انكرب زندو


البعجز يقع بيناتنا بنسندو


الحارة بنخوضا


ركابين عليهو الناصع أب غرة


نتباشر وقت نلقى الكلام حرة


ما بننفز يمين إن متنا فد مرة


الخواف ما حر منو نتبرا


الحارة بنخوضا


للجار والصديق عشرتنا تتمنى


بنصون الأمانة السيدا أمنا


المغرور ندوسو ونعدموا الطنة


شافعنا بيرى الموت في الركاب سنة


الحارة بنخوضا

[ود فضل]

ضاع منى الشباب




خلاص أشجانى حبك


وضاع منى الشباب


جنيت بدل المحنه


اسى وفرقه وسراب

زمان قالو الاوائل


اصلو الحب عذاب


إذا لامك حبيبك


ولو يوم حتى غاب


تقول ضيع حياتى


وتاب من حبى تاب


وكنت ارى المحبه


هناء وفرحه وسعاده


إذا اتنكر حبيبك


يظل حبك عباده


ولو غاب عن عيونك


يزيدك حب زياده

ولمن شفت حسنك


واطرب قلبى لونك


القيت ليك تحيه


ورديت بى عيونك


عرفت شقى الاحبه


كرهت الدنيا دونك


وياما كان غرامك


نبيل يحمل معانى


اثارت فى ريدك


واهديت ليك حنانى


وكان املى ومنايا


اراك يا حبيبى تانى

[ود فضل]

زهرة الروض



زهرة الروض الظليل جاني طيبك


مع النسيم العليل زاد وجدي


نوم عيني أصبح قليل

يا زهرة طيبك جاني ليل


أقلق راحتي وحار بي الدليل


أمتي اراكي مع الخليل


وأجلس أمامكم خاضع ذليل

دائماً أنوح وأقول حليل


صفي القلب القدره جليل


كيف لا أسهر و أكون عليل


أنا في الثرى وهو في الإكليل

يا الليك عفافك دائماً زميل


يا المن طيبك طيل زهر الخميل


لو مرّ نسيمك على ألف ميل


يخلي العالم طرباً تميل


يازهرة روضك يبعد عن الـف ميل


عاشقك ومحال للقاك ينيل


بستانك نضير ساقيه نيل


الحياة ومحصن بالدردنيل

يا أهيف يا ذو الطرف الكحيل


يا الصدرك عالي وخصرك نحيل


مناي في الدنيا قبل الرحيل


أرى شخصك لكن مستحيل

امتى تعود أيامي القبيل


يا حبيبي و أوجد للقاك سبيل


ومعاك يتخاذل في قبابيل


شفاء دا قلبي الوبيل

قال لي صحيح جسمك هزيل


أحمر الغرام في أعضاك نزيل


لو ما بخاف عقلي الرزيل


كنت أوصلك ولي عياك أزيل

[ود فضل]

أحلام الحب


زرعوك في قلبي
يا من كساني شجون
ورووك من دمي
ياللادن العرجون
يا الباسم الهادي
نورك سطع هادي
وماذا أقول في سناك
فيك الدلال عادي
وماذا أقول
شايقاني فيك قامه
سمحة وميلحة لون
وعاجباني فيك بسمه
وساحراني فيك عيون
أنا في انتظار عطفك
مرت عليّ سنين
أسعدني بنظره
وخليك علينا حنين
في حسنك الفردي
ياما نظمت فنون
هيهات أسلو هواك
مهما اعتراني جنون
أنا لي لقاك صادي
لو في الخيال راضي
خصمي هواك يا وديع
من يا تري القاضي

[ود فضل]

فينوس

تعالي فينوس الوجود
تعالي أعزفي لحن الخلود
تعالي في ربا النيل السعيد
تعالي أنت في قلبي العنيد
تعالي وحي إلهامي وفني
تعالي هاهنا القيثار غني
كل إحساس وأشعار ومعنس
كم أذاب القلب فنا
كم غزا الأرواح لحنا
تعالي حيث تغريد الطيور
تعالي حيث تغريد الطيور
تعالي حيث همسات الزهور
تعالي وانشري الشعر الحريري
تعالي قد حوي القلب اشتياقا
للطبيعة للغرام وللطلاقة
تعالي نقضي العمر عناقا
واسقنا خمرة السهر دهاقا

[ود فضل]

أحلام العذارى

يانديما عب من كأس الصبا
ومضي يمشي الهويني طربا
بت أشكو لنجم في الليالي دمعا
ولطل فوق زهر كاللآلي جميعا
ونديمي عب من كأس الصبا وسقاني
ثم عاف الكأس عاف الملعبا وجفاني
هاهنا الزهر وروض واختلاء
وهنا الليل وبدر وضياء
وهنا الكأس وخمر وانتشاء
وهنا الشادي يغني عجبا وأماني
يانديمي طافت الأحلام بالفكر حياري
وسرت تسبقها الأنغام في طهر العذاري
ونديمي أول الآطياف في الفجر تواري
واذا ما القلب اضحي لهبا كم يعاني
ونديمي عب من كأس الصبا وسقاني

[ود فضل]

لوموه اللاهى


لوموه اللاهى بالغرام بالله
قولوا ليهو الحب شئ طبيعى إلهى
الغرام ما بخير بين كبير وصغير
من زمان الحب عمروا فينا يحير
يا جميل يا نضير خلى هجرك غير
من زمان الحب تلقى عمروا قصير
نادوا لينا البنا يبنى لينا الجنه
يبنى طوبة حب ويرمى مونه محنه
بالكتاب والسنه يعقدو لينا أهلنا
انتصر يا حب انحنا نلنا أملنا
سيروا بينا لنيلنا وسوي لينا عديلنا
فوق جناح الحب الملائكة تشيلنا
يوم تقرب ضلنا فوق شبان جيلنا
والزغاريد حب وخير مافى مثيلنا
العاقبة للخلان وللبشاركوا معانا
انحنا ناس الحب الله ما بنسانا
انحنا صُّنا هوانا بشرف وامانه
يا جمال الحب ويا جمال دنيانا

[ود فضل]

بلادي يا سنا الفجر

بلادي يا سنا الفجر

وينبوع الشذى العطر


وملهمتي أغاريدي

وآيات من الشعر


سلام أنت ألحاني


وحلمي في الهوى العذري

رعتني أرضها طفلا

فكيف أسومها غدري


وأصبو لذاتها عمري


وحق لخيرها شكري


سلام أنت ألحاني


وحلمي في الهوى العذري

وعند الروضة الغنا

أفياء من الشعر


وكم أطيارها غنت

تسابيحا مع الفجر


سلام أنت ألحاني


وحلمي في الهوى العذري

ولي في أرضها ذخر

فعز الذخر عن تبر


وأجدادي بها قبروا


وقد جاؤوا على قدري


سلام أنت ألحاني


وحلمي في الهوى العذري

[ود فضل]

الفرقه



حليلا الفرقه من بكره

حليلا الأصبحت ذكرى

حليلا الناديه فى عودها


وقالو الليله يوم عيدها


خضاب الحنه فى ايدها


حليلا الضعت فى ريدها

هديتك لحنى وأشعارى


وغنت على لحنك اوتارى


ومهما غبت عن عينى


سيبقى هواك تذكارى

دفنت هواها فى قلبى


وعشت على صدى حبى


سقيتو بدمى وبدموعى


رضيت بالقسمو لى ربى

[ود فضل]

قاضى الغرام

لو أهديتو عمرى
ما بوفى جزاه
الحافظ ودادى
ما فات ونساه
كم قابل جفاى
بى عطفو وحنانو
ما جافانى مره
أو يوم جار وخانو
دايما لى فؤادى
يهديه الامان
يا قاضى الغرام
قول لى كيف جزاه
كم بدل همومى
بى فرحه وسعاده
شاركنى فى شقاى
علمنى الإراده
عطفو على ولطفه
دايما فى زياده
كيف اقدر اجازى
المابقدر جزاه
شيد من حنانو
لى فى الدنيا جنه
راعيها بى ودادو
ساقيها المحنه
دايما جنبى عامل
لى تحقيق أملنا
رب القدره أقدر
منى على جزاه

[ود فضل]

يا سايق



يلا يا سايق
نلحق الرايق
لو تمر ثانيه تتحسب نيرانها
بالله يا سايق
زود السرعه
الوقت متضايق
ونحن فى لوعه
فضلو دقايق
بالكتير سبعه
بينا كبرى النيل
للمطار كم ميل
ياخى قول بالكتير سبعه
الكبرى جيناهو
للمطار بعدو أربعه ثوانى
أمنتا والله
وهمنا ولى
سعدنا تجلى
الدنيا والامال
تتحسب نيرانها
بعد ما وصلنا
هبطت الطايره
الملاك طل
وهدأت السايره
السرور عم
والمنى تم
عوده بسلامه
يا ناس لأهلينا

[ود فضل]

وداع



يا الله ساعه
اودع المحبوب
لينا فاضل ساعه
فاضلا ساعه
أودع المريود
لينا اخر ساعه
كل دقيقه تمر
منتظر نظره
من حبيب العمر
مر ربع الساعه
وصرت كالولهان
لم تكن لى شجاعه
تاره انظر ليه
تاره لى السواق
الهو سايق لى
مر نصف الساعه
وأبتديت انظر
لقطارى ثم الساعه
فضلت بس ساعه
افارق الرصيف
أم انتظر لى وداعها

[ود فضل]

سمير الروح

قلبى سميرو
لكن ما عارف الفى ضميرو
سمير الروح
جميل فتان
كحيل نعسان
يميل ميسان
يحير أفكار الإنسان
يغير اراء الإنسان
جميل خلقه
وجميل أخلاق
تجلت حكمة الخلاق بتصوريره
دموعه تسيل
إذا تقول ليه تعال يا جميل
يصد ويميل
يقاربك خطوه ويبعد ميل
ظننته خليل
وجدته نفور
بالنظره بخيل
برضى أقول
شى غير معقول
يجد تعظيمه وتقديره
أديب وعفيف
لطيف وظريف
وروحو رشيقه
دمو خفيف
حبيبى ظريف وديع

أنا كيف أعشق غيرو..؟

[ود فضل]

لطيفة الرحمن

إن كان بعدى عن حياضك مأثما
فلإن قربك كان حق مغنما
أستلهم العبر ودانية الخطوب
وقضاء رب عادل من كل صوب
وبصيرة تجلو بهم لا يغيب
والصبر اجمله
والضيم أجزله
والضيم كل الضيم ما يمحو الذنوب
أستغفر الرحمن عن ذنب اتوب
كى ما يحل الطهر فى ابهج ثوب
إن كان ذل فى وجودى مغتفر
حسبى الخلود وكل عز مفتخر
فلرب سوء فى الجوانح إنتشر
والبغى أكمله
إغتر نائله
فالله خيرا حافظا فيما أمر
والله اسأل كل ما خطرت سقر
كى ما يعم الخير فى دنيا البشر
لهفى عليك أسير شوق كلما
يشع نور الحق فى كتف السما
وأزيد قربا فى صعودى مغرما
والله احفظه
والله احمده
وأذكر الرحمن فى حرم الحمى
وأزيد صفوا كل ما الذكر نما
وتحل شاردة الضلوع وإن ما
أ صفية المختار أين الملتفى؟
يا كوكبا فى برجه متألقا
بالقبة الخضراء نال فأشرقا
والدمع ساخنه
إهتاج كامنه
أنا كم دعوت الله شاف وفقا
وكأن غرسى شب طال فأورقا
وإبيضت الصفحات فى يوم اللقاء

[ود فضل]

طبعا يهواك


وطبعا يهواك
ولا أرضى هلاكي ولا أرضى سواك
يا حبيبي فؤادي
يتلالا خدك يلمع ضواك
يتمايل خصرك ما حملو هواك
يا مساوي البدر هو لا يسواك
لحظة يمرضني حق من سواك
يا الزهر اليانع رايق في ضراك
والعين لي غرامك شوقا تتباكى
ما أصعب حبك ياما أطراك
أنا قابل هجري لو كان سراك
أنا عندي هدية هي روحي فداك
يا ظالم رفقا بمن حباك
يا ساكن قلبي ومتى طرفي يراك
هل تدري عشوقا هو من أسراك
طبعا لا أعلم في الحب لولاك
يا منعش روحي يا معنى هلاكا
مهما تسلاني انا لا أسلاك
في قولة لا لا ما أحلاك

[ود فضل]

سمير قلبى

حبيبى يا حبيبى
إياك سمير قلبى يا تومى
يا حبيبى ماك دارى يا خدارى
كيف لقاك يا خدارى
وين لقاك يا خدارى
إنت تخشى من رقيبى
الزهور الفى الخميله
النسيم دوام يميل
أنا روحى بيك سميره
وإنت تاهيه ما بتجينا
إيه مرضنى غير صدودك
تزدهى الورود زى خدودك
العيون مكحوله سودا
مره سيبى الهجر سيبيه
يا عازه وين خليلك
يا عازه كان دليلك
يا عازه جن ليلك
هيا قومى لا تخيلى

[ود فضل]

بعيد الدار

طال لى بعدك
متى يا مولاى
تنجز وعدك
بعيد الدار
إنت جميل جمال ودار
جميل بتنا لكن غدار
أراك يا ظبى
جرت على
متى يطلع لى
كوكب سعدك
بعادك طال
تزيد كل يوم نفور ومطال
متين يا ظبى
تكون حاس بى
تزيل البى
أنا فى عرضك
ليك غنيت
وجدتك جافى ما حنيت
اكون معذور
أنا لو جنيت
فقدت سكون
فؤاد ممكون
ضرورى يكون
موجود عندك

[ود فضل]

أم در

أشوف نعيم دنيتي وسعودا

إمتى أرجع لأم در وأعودا

إمتى تلمع بروق رعودا

وحظوظي تنجز لوعودا


روحي ضاعت من نار وعودا


ولي هوّن ربي عودا

أشوف حبيبتي وأنظر خدودا

عساها ترحم تكون ودودة


مسامعي تسكر من ردودا


بتطفي ناري الفاتت حدودا

أشواق كتير الدموع شهودا

وللمنام العيون زهودا


في الهجر روحي ضاع مجهودا

ولم تزل حافظة لعهودا

أبواب لقاها أم خدود موصودة


نار الغرام في الفؤاد محصودة


مناي ومنية روحي ومقصودها

أشوف رشيم يضوي بين فصودا

[ود فضل]

مناجاة

يا حبيبا
قد تناسى
بعد ما كان
وفيا
يا نديما
ترك الكأس
حطاما فى يدي
أنا من بعدك
وحدى اذرف الدمع
سخيا
فى ظلام
ليس يمحوه سوى
نور المحيا
ذاكرا يا هاجرى
عهد قطعناه سويا
وليال قد طواه
الدهر والدمع طيا
يا حبيبى انا مالى
صرت بالحب شقيا
كنت ارجوه هناء
ونعيما ابديا
عندما كنت تغنى لى
وتشتاق إلى
ثم ادعوك
فتلقانى إذا الوقت
تهياء
كان حلما
يا حبيبى
فأنطوى شئ فشيئا
يا حبيب النفس
عود لى
فحبنا ما زال حيا
والربى الخضراء مثل الامس
تدعونا فهيا

[ود فضل]

اخر مدى

بحب يا دنيا مغمور بالأمل
سعيد فى حبى لا صد لا زعل
مشاكلى بسيطه بالريده بتحل
وعندى حبيبه اشقى واسعدها
فى حب يا اخوانا اكتر من كده.؟
وليه ما احب واغرق فى النعيم
كفايه الضاعو مننا الف يوم
احب والله واتحدى الهموم
واقول للدنيا شوفى اشهدها
أعيش للحب وازرع كل خير
يفرهد بكره بستانى النضير
عواطف ساميه اشراقات ونور
دى فرحه تمر وفرحه تجددها
فى حب يا اخوانا اكتر من كده.؟
وفى كلمه غير احبك ارددها
خلاص انا حبى فات اخر مدى

[ود فضل]

كفايه

كفايه كفايه
دى كانت حكايه
اطول من ليالى
ما ليها نهايه
ياما شفنا فيها الويل والشجن
وسهاد الليالى وعذاب الزمن
انا ضيعت عمرى وشبابك تمن
بعيونى المساهره
عيونك بكن
غلطتنا برانا
كانت فى البدايه
كفايه كفايه
ما بقدر افارقك إنت شريك حياتى
إنت حبيبى إنت الروح وذاتى
فى الدنيا اليفى وباكر فى مماتى
تبقى الذكرى بعدك وتخلد حياتى
الماضى النيستو واليوم فى البدايه
كفايه كفايه
كفايه عواطفك وحنانك على
إن حسيت بحالى دمعك فى عيني
داير بس اشوفك اسعد زول وراى
كفايه كفايه

[ود فضل]

اقيس محاسنك

اقـيـس مـحاسنك بـمن يـالدرة الـماليك تـمن
والله نــــور عـيـنـي ونـــور الــزمـن
مـاشفنا فـي طـول الزمن سواك بدري داخل كمن
الانــوار يـتزاحمن فـي خـدودك اخـدن امـان
ومـن فـاهك يـتقسمن بـروق في بروق يتبسمن
دي الـدنيا ام جـنة عـدن شـفنا ملاك لابس بدن
انـسان لـكن مـفردا حـاز الـنور حـاز الـلدن
غـصنه مـهفهف ام لدن هيبه اسد في عيون شدن
يـاالجبرة الـمازجة الـعجن جبينك زي فلق الدجن
جـسمك بـالطيب انـعجن اذا الـنسمات بيك عرجن
طـبـاق الـجـو يـتـأرجن والانـفـس يـتهيجن
رنـت نـرجس مـن الـوسن بعيونه الايمن جسن
ران ايـه الـحسن الاسن غصون الروض يتمايسن
فـي ذاك الـذي الـحسن وكـله حسن مالك حسن
عروض زي عارضيك صفن حلال سحرك ماسحر فن
كـواكب الـنور الـبلفحن بـي صـفاتك مااتوصفن
بـدور الـكون لو ينصفن يسجدن ليك مايكون وقفن
فـيك عـيون الرائين يرن محاسنك بالحسن ازدرن
مـهـما افـكاري يـكبرن ذي حـسنك مـايعبرن
مـع الـبدرين سيرك سرن ومن وزنك هن يقصرن

[ود فضل]

الطابق البوخه

الجميل واصل
درة الاصل
الله لا ادراك
بالعلى حاصل
العذاب أنواع
جملة غير فاصل
فرحت الشمات
بالعلى واصل
فاح لي كبريته
كبدي كالبنزين
قادحه كبريته
اصلو هالكنى
منو ما بريته
يا جرح غور
انشا الله ما شفيته
طابق البوخه
قام ندا يهتّف
نام من الدوخه
ايدو عاقباهو
الجدلة مملوخه
لي معالق الجوف
موسو مجلوخه

[ود فضل]

إعتذار

تعتذر بعد ايه
بتحكى لي على ايه
على حبى ما الصنتو
على قلبى الحطمتو
على املى الهدمتو
تعتذر بعد ايه
بتحكى لي على ايه
على عذابك لى
عن سهادى البى
عن دموع عيني
تعتذر بعد ايه
بتحكى لي على ايه
بعد الريد نسيتو
عهد الحب طويتو
والمحبوب جفيتو
تعتذر بعد ايه
بتحكى لي على ايه
من بعد التجنى
بعد ما بعدت عنى
إيه هاميك منى

[ود فضل]

غصن الرياض

يا غصن الرياض المايد
يا الناحلني هجرك وإنت ناضر وزايد
جافيتني ليه أنا ليك رايد
يا غصـــــــن الرياض المــــــــايد
ما أظـــــــن عن غرامك
لو أمـــــــــوت ماحــــايد
سهران ليلي طال
والعينين صحت ماهجايد
تعبان قصدي ليمك
وإنت ناضر وزايد
في الجيــــــــــــــل لي جمـــــــــالك سائد
عينيك ليك جنودك وإنت ليهــــــــن قايد
يالنـــــــافر جفيتني بنظــــــــــــرة لي ما عايد
شوفتك ذي هلال العيد وبيها أعايد
يا خلاصة الحواري المـــــــــــن جنان وخوالد
حسنك ليك يدوم لا أم تلـــد لا والد
رافل في ظــــــــــــلال المجد التليد والتالد
يا اللابس العفاف حلية وعقود وقلايد
عانيت في ليـــــالي هواك ظروف واحايد
مشكلة بين هواي وجفاك وإنت محايد
بــــــس ما ذنبي غير صغت النشيد ونشايد
في مدحك بنيت قصر الرشيد الشايد
أنــــــــا وحبك ترعرعنا ونشانا ندايد
من زمنــــــــا قبيل ما أيـــام قلال وعدايد
ما خلــــــص القديم تبين مصايبو جدايد
حن يا حبيب كفاي مر العذاب وشدايد

[ود فضل]

طول يا ليل

طول يا ليل على الباسل
على هضـليما متماثل
حلاتا خدها الاسل
حليلو الفى القلب مرسوم
شويدن خلقة فاطرو بسـوم
يتل اكتافو يجيك مقسـوم
هلك عضمى وهرانى سموم
جبينو العطر انداهو
سطع نور خدو فى حداهو
هلكنى ولسة فى حداهو
عميرى وروحى تفداهو
لوينة وزى فـــريع البان
تفوق الشابو والشبان
تفوق اندادا تيه وعجن
وبى سـداتا تتعجن
حليلو الفاهو ما هراج
حليلو العاصى والسراج
حليلو الغـالى يا دراج
حبيبى اللهموم فـراج
حليلو اللاح فــر بسـمو
حليلو الكية لى خصمو
جميع من سم بى اسمو
حرام النار على جسمو
حرام النار على جسمو

[ود فضل]

عذارى الحي

يا عذارى الحي
رفقاً بالحيارى
هل رأيتن حبيباً قد توارى يا عذارى
عليلٌ عليل
واهٍ من قلبي و ليلي الطويل
يا عذارى الحي قد راح الجميل
لم يقل حتى وداعاً في الرحيل
خبريني أي عرفيني أين سار يا عذارى
عابد الحب ديني و مراحي
صابر في الحب لم اشكو جراحي
يا تري المحبوب يدري عن براحي
لليالي الامس و اللهو المباح
أم تناسى يا عذارى
يا عذارى الحي
أين ليلاتي
فقد مرت حيارى
عهد حبي و الاماني يا عذارى
ليلنا طهر بلا راح سكارى
بليالي الود و الود شعاره
فنساها و توارى يا عذارى
فرفقاً بالحيارى
هل رأيتن حبيباً قد توارى
يا عذارى

[ود فضل]

عشانك


عشانك عشانك
أنا عايش عشانك
أنا تايه فى حبك
ويعجبنى حنانك
بحبك بقلبى من روحى وفكرى
بنظره عيونى تحكى ليك سرى
يقول كلمه حبيبه بترفرف فى صدرى
تحمل ليك منى أشواقى النبيله
وتحكى ليك عنى وتقول يا جميله
عشانك عشانك
وين بس كنت إنت انا حاضن العذاب
ضيعت الليالى وحرقت الشباب
أنا صاحى وبحلم عشقت السراب
شوف أيامى راحت عوضنى اللى فات
اسقينى المحنه اصلو الماضى مات
ما ببكى عليه لو أفراحى جات
عشانك عشانك
قبلك يا حبيبى ياما كنت ابكى
كل الدنيا عارفه وبى الامى تحكى
فى بحر الليالى انا عذبنى شكى
وينك كنت إنت يا الحيرت امرى
انا راجيك وبحلم من بدرى وبدرى
يوم ميلادى حبك وفى قلبى مكانك
عشانك عشانك

[ود فضل]

سمسم القضارف

مقدمه (رميه)

الليل الليل الليل الليله
الليله ود الأريل الداب من حقب قرقابو
امو مدرجه ومنو الكبار تتجابو
نزلتبو العتيق والهجعه تتكابو
نظرك فى الوحوش فرضه وقليل تيرابو
الليله طارت الحكره يا ابشخلوف وقل مصروفنا
وإن نوى للسفر ابى فى المنام لا يطوفنا
نسيبنا الميرغنى العندو الخلافه شوفنا
ويورينا البيسبر عندهم معروفنا


سمسم القضارف
الزول صغير ما عارف
ده قليب الريد
كل ما هديتك شارف
امانه يا غزيل
فى سرحك المنيل
قسيم الريد
لا جاك عشا
لا مقيل
امانه اريدك ريده
ريده الحمامه لى وليده
حبيب تعال
خلى النتم الريده
حلال يا
يا الاخدر الهنودى
حاربت ليك بلودى
يا خالقنى ورينى عين مريودى
حلال يا
طلعت فوق السمر
بشوف جلابه التمر
يا خير تعال
المال فدايه العمر
حلال يا
لو ما بخاف الرقبه
بزور معاك العقبه
عقد السوميت يا الفصلوه فى الرقبه

[ود فضل]

نادانى الحنين

نادانى الحنين فى لحظات هنيه
نور ليل عذابى وحلت الدنيا ليا
زى موال جريح ساعة ما اشوفو
فى ليل الخريف حزنانات حروفو
عاشق دمعو هامل طال بالنيل وقوفو
شوقو بهيم طويل يتلمس طريقو
فى ليل العمر يسأل عن عشوقو
بسمت ليه الأمانى ولقى فى الحب رفيقو
تمشى الكون ازاهر تجلس فى رحابو
اجمل طير يغرد فى واحته بربابه
سارح بى سعادته وايامو وشبابو

[ود فضل]

جفيت ليه

جفيت ليه ليه يا هواى
كنت عطوف وديمه معاى
حنيت ليه راجعت هواك
بعد ما خلاص انا قلبى نساك
عاد نسى الأشواق وحنينك ليه
أسال ريدك وأسال قلبك
اسأل يوم ارتحت فى حبك
حبيب ليه جفيت وليه حنيت
فى بحر الشوق ضمتنا ليالى
سقانا الريد من نبعو يا غالى
ده حنينا يقود خطواتنا إليك
كل الكان والراح ما عاد
ما اظن يجي يوم فى حياتنا يعاد
حبيبى خلي عيونك تبكى عليه

[ود فضل]

لك الحمد مدحه يرددها ابو داؤود



لكَ الحمدُ يا مستوجبَ الحمدِ دائماً على كل حالٍ حمدَ فانٍ لدائمِ
وسبحانكَ اللهمَّ تسبيحَ شاكرٍ لمعروفكَ المعروفِ يا ذا المراحمِ
فكمٍ لكَ منْ سترٍ على كلِّ خاطيءٍ كمْ لكَ منْ برٍ على كلِّ ظالمِ
وجودكَ موجودٌ وفضلكَ فائضٌ وأنتَ الذي ترجى لكشفِ العظائمِ
وبابكَ مفتوحٌ لكلِّ مؤملِ وبركَ ممنوحٌ لكلِّ مصارمِ
فيا فالقَ الإصباحِ والحبِّ والنوى ويا قاسمَ الأرزاقِ بينَ العوالمِ
و يا كافلَ الحيتانِ في لجِّ بحرها ويا مؤنساً في الأفقِ وحشَ البهائمِ
ويا محصيَ الأوراقِ والنبتِ والحصى ورملَ الفلاَ عدا وقطرَ الغمائمِ
إليكَ توسلنا بكَ اغفرْ ذنوبنا وخففْ عنِ العاصينَ ثقلَ المظالمِ
وحببْ إلينا الحقَّ واعصمْ قلوبنا منَ الزيغِ والأهواءِ يا خيرَ عاصمِ
ودمرْ أعادينا بسلطانكَ الذي أذلَّ وأفنى كلَّ عاتٍ وغاشمِ
ومنَّ علينا يومَ ينكشفُ الغطا بسترِ خطايانا ومحوِ الجرائمِ
وصلَّ على خيرِ البرايا نبينا محمدٍ المبعوثِ صفوة ِ آدمِ

[ود فضل]

تم دور وادور


تم دور وادور
عم نوره شال
فات الحله نور
زي بدر التمام

واحدين قالوا نور
واحدين قالوا دوب
مروي ما بتنور
زي بدر التمام

مين يقوم يتهور
يبري القيف هناك
تحته الدابي كور
زي بدر التمام

قالوا الكون اتطور
لا عاشق عفيف
لا جميل إتصور
زي بدر التمام

الحسود يتضور
ناره ماكله لسانه
كله زور ومزور
زي بدر التمام

الطريق الحور
دمي ما بروح
سيدة ليش يتجور
زي بدر التمام

هز شوقي وتور
يا نديم إزاي
جرحي المخفي غور
زي بدر التمام

يا قليب إتجبر
قوم وريني كيف
الكرام تتصبر
زي بدر التمام

نحن ما بنتعبر
النفوس أن حبت
تستحى وتتكبر
زي بدر التمام

ما خبير أتخبر
في الزمان الفات
والجديد إدبر
زي بدر التمام

أوعي لا تتشبر
هل رأيت لك عاشق
بالغرام يتنبر
زي بدر التمام

نحن ما بنطفر
ما بنهاب سفيه
إلا ما بنتزفر
زي بدر التمام

قولوا لي البتنفر
ما شالن قناع
المعاك تتوفر
زي بدر التمام

يا زميل إتشطر
شن بتشوف حداك
إلا حور مبطر
زي بدر التمام

يبقي يومنا مطر
ماله الكون دهين
والفريق معطر
زي بدر التمام

النحر مغمر
والسباته حارة
والمجال مضمر
زي بدر التمام

الشعر مخمر
يرشح كله ند
عردب المجمر
زي بدر التمام

قام محمد بشر
هز فوق تيجانن
سل سيفه وكشر
زي بدر التمام

قول معاي وإتفشر
نحن سياج عروضن
نحن يوم المحشر
زي بدر التمام

يا حسن اتذكر
طيب ليلتنا ديك
والصباح السكر
زي بدر التمام

المدام ما اتنكر
لا من ديكنا صاح
فوق رؤوسنا اتحكر
زي بدر التمام

كل شىء مفسر
ما في شىء غريب
والعسير ميسر
زي بدر التمام

ما في عين تتحسر
دام عريسنا دام
والحسود إتحسر
زي بدر التمام

[ود فضل]

أحلى الحبايب


يا احلى الحبايب
يا حبى النبيل
ليه تنساه ريدك
وحبك لى قبيل
يلومونى العواذل
يقولو حبيبو ولا
وما تسأل عليه
مدام هو ريدو قل
وتذليل الحبايب
فى شرع الحب مذله
وليه تبكى الليالى
يصير قلبك عليل
الظاهر عليهم
ما عرفو الغرام
وما عرفو المحبه
عنوان السلام
ده الشوق للحبايب
يزيد الحب ضرام
وانا مشتاق لحبك
يا اجمل جميل
عشاق الوشايه
يقولو على كتير
ده قولهم فى الحقيقه
مظنه وكلو زور
خلاصته كلام عوازل
بيكتر ما بيضير
تعال بس زورنا مره
وجود لو بالقليل

[ود فضل]

ودعنا سافر




يوم حبيبنا السافر
انا لا انساه
ودعتو برا
بدموع عينا
سافر قطارو
ادمى حشاى
سيب البعاد
وكفاك عناد
ودعنا سافر
وشال الفؤاد
قال لى صحيح
انا اصلى صريح
من يوم حبيتك
انا قلبى جريح
قلت ليه حرام
انا كلى ضرام
تتركنى زاهد
وما لى غرام
حرام

[ود فضل]

وطنى



وطنى وطنى
أملى الكبير
أنت كل مفاخرى
أمى و أبى
انت الذى
فى خاطرى
وهواك يجرى
فى دمى المتقاطر
قسما بحبك إننا
نسعى لخيرك جاهدين
ونخوض نيران الصعاب
إذا دعوت مكابرين
ونزود فى ثقه الأباة
مدافعين مجاهدين
فلك البقاء
على السنين
ولك الفداء
بالمال بالدم وبالبنين
وطنى وطنى
نحن الأسود الضاريات
تحدثت عنا المواقع
لا نرهب اليوم العصيب
ولا تروعنا المدافع
كالسهم كالقدر العتى
وكالرعود وكالقواطع
فيما يعزك صادقين
نفنى النفوس ولا نلين
ونفى بوعدك سائرين
لنرد كيد الكائدين
لنراك فوق العالمين
وطن الجدود
ما احلى ذكراك فى الوجود
ولك الخلود
إن لنصرتك الجنود

[ود فضل]

قف رويدا

قف رويدا يا حبيبى هاهنا
كان لى بالأمس عهد ومنى
هاهنا مجد شبابى الزاهر
هاهنا فجر صباى الباكر
هاهنا لقيا الحبيب الساحر
ذكريات حية فى خاطرى
كحياة الموج فوق النهر
رفرف الطير إبتهاجا وتناغى
وحبا الزهر جبين الروض باقه
وإلتقى النيلان لزما وعناقا
وأنا بين الرؤى والذكرى
خفقت روحى وغنى خاطرى
إين ورد كنت اوليه عنايه
وحبيب نال من روحى الكفايه
وسمير عشق السمار نايه
وخليل كان فى الخلان ايه
فهنا مولد حب الباكر
وهنا نجوى الحبيب السامر

[ود فضل]

دمعي الإتشتت


يا دمعي الاتشتت
دمعي الغلب اللقاط
يا سيد ريدي وسيد روحي
أشكو ليك أنت بي جروحي
يا سيد روحي رد لي روحي
بس أقول يا بر يا أبو البتول
يا جليس يا الساكن السور
يا دمعي السرا بلاني
الحبيب فات وخلاني
خلاني اشكو آلامي
حبيبي يالفراقك حار
اسير حبك أنا ليل ونهار

[ود فضل]

طولت ما رديت


طولت ما رديت
بعدين معاك لو جيت
لازم نسيت العهد
حاولت تبدي الصد
عارف شعونا جميل
نحوك حبيب لو جيت
لو جيت
ولـو
الله لو جيت
رد الجواب قاسى
ولا إنت متناسى
عارف عدم ردك
بمرض قلوبنا شديد
شديد شديد
الله شديد
اقبل سلامي كتير
ما تحاول التقصير
لو عدت مقصودنا
يا غاية التقدير
لو جيت
ولو
الله لو جيت

[ود فضل]

سفرك بكره

سفرك بكره قالو
لو ودعت مالو؟
خبر القومه جاني
دموع عينينا سالو
اما فؤادي انا
جمر الحب كوالو
كيف طاق ليك فراقى
انا علي ناري باقى
يا روحي يا راحي
سيب قلبي وامالو
سفرك بكره قالو
لو عدلت مالو
رحت سألت جارو
قال لي هم قالو
درت حبيبي شوفتك
إلا ظروفي حالو
ثم بكي المهفهف
ده لى عبراتو كفكف
شفت الدمع يذرف
من عيونا وشمالو
سفرك بكره قالو
لو عدلت مالو؟
من عرفو المحبه
خلي النسمه واصلا
ارسل لي تحيتك
واوعك تنسى بوسته
واذكر كل عشيه
جلستنا الهنيه
اغنى تميل عليا
بفن يسكر زلاله
كان معانا
ما نسانا
ودعتو روح
أرض الكنانه
ياحبيبي طال بكاى
وطال نحيبي
سألت من حبي وحبيبي
يا حياتي يا نعيمي
يا مماتي
نادو لي حبيبي هاتي

[ود فضل]

يا فتاتي


يا فتاتي أين شخصك
أين رسمك غبت عني
إن ذكراك في قلبي
يا حبيبا هي حية
مألماني محزناني
كل ضحوة و عشية
فإذا الصبح تبدي
بان لي منك المحيا
يا وعودي وسلواي
اغني وامني
كم جلسنا في الخميلة
بين أغصان جميلة
نتهادي نتراضي
نروي بالحب غليلا
كم هتفنا كم عزفنا
إنا ليك وإنت وليا
ذكريات قد تلاشت
فلنخلدها بفني
وين جمالك وين كمالك
وين أغانيك يا قمرة
هل تعودي هل تجودي
هل لطيف الوصل جمرة
أنت روحي ومرامي
أنت آمالي يا سمرا
غبت عني فلا تحن
ليس لي غير التمني

[ود فضل]

يخجل البدر

يـخـجـل البـدر ويـخـمـد المـصـباح
يـالـيــل هــات لـيــنـا صـبـاح
انحنا كل صباح نبني
في الآمال ماوجدنا رباح
سـرنـا المـكـتـوم بـالـدمـوع انـباح
والسـهـاد اصـبح لـينـا امـرو مـباح
القلوب ترتاح للكمال التام
في الكمال نرتاح
اصلو زول لكن صورو الفتاح
من سلاف الروح محنة للملتاح
الجمال شراح للصدور
لكن للقلوب جراح
قالو اهل الحب في الزمان الراح
نشوة الاشواق احلي من الراح
النسيم لو فاح
يمتزج بزلال دمعنا السفاح
كم عشوق مهجور مضني بالاصفاح
عينو في الورد وروحو في التفاح
ياهوي الارواح
انت للعشاق كالشذي الفواح
عطر الدنيا واملأ الاسواح
يزهو بيك الكون في غدو و رواح

[ود فضل]

لحظات متبدده


إذا حييته بسم
وديع فى الجمال سما
رشيق شيق عبق
كحيل مال وإنقسم
تددل وإنثني ورنا
وصوب سهمه فرمى
تورد خده حتي كأنما بوجنتيه دم
كأن فى محيه الوضاء برقاً ضاء وإرتسم
كأن الليل كحله وباح به وما كتم
غرير غرير اه غرير
بين سربيه يعيد القول محتشم
اميل إليه عن كلف واخطو نحوه قدما
وحين اراه ارهبه ولا ابدي له كلمه
وتذهب فكرتي بدداً ويرفل القول مفتهم
اداري لوعتي حتي يراني الناس مبتسما
فيا ويلاه من حبي فيا ويلاي إن علم

[ود فضل]

يا رب صلى علي المختار


يا رب صلى علي المختار من مضر
والأنبياء جميع الرسل ما ذكرو
وصلي رب على الهادي وشيعته
وصحبه من لطى الدين قد نشرو
وجاهدو فى معه فى الله واجتهدو
وهاجرو وله آوا وقد نصرو
يبين الفرض والمسنون واعتصبو
لله واعتصمو بالله فانتصرو
اذكى صلاة وانماها واشرفها
يعطر الكون ريا نشرها العطر
معبوقه بعبير المسك ذاكية
من طيبها ارج الرضوان ينتشر
عد الحصى والثرى والرمل يتبعها
نبي السماء ونبات الأرض والمدر
وعد وزن مثاقيل الجبال كما
يليه قطر جميع الماء والمطر
وعد ما حوت الأشجار من ورق
وكل حرف غدى يتلى ويستطر
والوحش والطير والأسماك مع نعم
يليه الجن والأملاك والبشر
والزرع والنمل مع جمع الحبوب كذا
والشعر والصوف والأرياش والوبر
وما احاط به العلم المحيط وما
جري به القلم المأمور والقدر
وعد نعمائك اللاتي مننت بها
على الخلائق مذ كانو ومذ حشرو
وعد مقداره السامي الذى شرف
به النبيون والأملاك وافتخروا
وعد ما كان فى الأكوان يا سندي
وما يكون إلى ان تبعث الصور
فى كل طرفه عين يطرفون بها
اهل السماوات والأرضين او يذرو
ملئ السماوات والأرضين مع جبل
والفرش والعرش والكرسى وما حصرو
ما اعدم الله موجود واوجد معدوما
صلاة دوام ليس تنحسر
لا غاية لإنتهاء من عظيم لها
ولا لها امد يقضى فيعتبر
وعد اضعاف ما قد مر من عدد
مع ضعف اضعاف هى من له القدر
كما تحب وترضى سيدي وكما
امرتنا ان نصلي انت مقتدر
مع السلام كما قد مر من عدد
ربى وضاعفهما والفضل منتشر
وكل ذلك مضروب بحقك فى
انفاس خلقك إن قلو وإن كثرو
يا رب اغفر لقارئها وسامعها
والمسلمين جميعا اين ما حضرو