مكسر , فيك , يا شينه . (حلمنتيش )

[عوض موسي]

مكسر فيك محتحت تب
ونار الريد بتوقد في
حشاي لهب
غرامك بس تقول
فرار لقالوا حطب
أشوفك ماشه اتبرجل
تقول من خوفي اوقع بب
عيونك عمشه مقلوبه
خدودك للكور مضرب
شفاهك بس تقول حلوف
نقول استرنا بس يا رب
بحبك موت حقيقة بموت
لما اشم نفس خشمك
تقول عقرب
ولما اشوف كريشتك ديك
لحاف بي حبلوا اتكرب
وكشك في الارض واسوق
وصوت كرعيك بلا الكركب
ولما اشوف صويفاتك
مجبد انتي بالفازلين
وبالكركار وبالمحلب
مربطه شده بالاستك
تقول اطفال
تفرقوا ضاعوا في ملعب
كم قمبور وكم طمبور
وكم شعرات عليها عجب
تجيك القوره ذي رقشه
وذي امجاد وشيشه كعب
ولما اشوف خلقتك ديك
محال اسم الله ليك قرب
ولدوك في ظلام الليل
بضؤ فانوس كئيب متعب
بشارتك بلحه فيها السوس
ودايتك بالحبل تسحب
حبيبت القلب ما عارف بحبك ليه
عشان اعجوبة في الشينات
عشان مولودة بي سنينات
عشان تاريخ صلاحيتك زمان من
بدري عدي وفات
والله عشان جمال صوتك
تقول منشار نشرلوا خشب
مكسر فيك محتحت تب
عشان مجنون وعقلي هرب

[أحمد حسين خيري]

سافر وسافرت معه أحلامها الوردية- فغنت له:
(بحسب ليك في الأيام عشان ترجع تعود قوام حبيبي الدنيا دار فرقا ومامعروفة لي قدام
بحسب ليك من يوم فًتا أريت يوم داك مافُتا وحشت الكون معاك كلو ومعاك كل الوجود شلتا
والأزهار شحب لونها كمان حتى الصفق حتا والأيام بدل تسرع تقول بس واقفة في حتة
وحتى البيت كساه ظلام.)
إستمعوا لها بصوت الرائعة المطربة عافية- روعة الكلمات واللحن والأداء.