سفير رفع المعنويات للبايرات

[الشمشار]

سلامات وطاخ طراخ كده هاكم الشمار التاني قصه مجذوب سفير رفع المعنويات للبايرات
ومجذوب شاب ظريف يهوي رفع معنويات البايرات والهوايه ياجماعه اتحولت احتراف وعشان ما تقولو انا بكذب اسمعو الحوار ده بين مجذوب وستنا البايره بت جيرانهم وعذرا للتدخل للوصف وادخال المؤثرات الصوتيه والموسيقي التصويريه
مجذوب
هلا هلا يست الكل ياست البنات ويامليحه المليحات
( دل دودل دللللللللل)ستنا وقد بدا عليها انها صدقت وبي كل دلال هاااااي ميجو
(ركبت مكنه بت عمره سبعتاشر سنه )
مجذوب
الشارع نور
ستنا
منور بيك يالذيذ
مجذوب
انا يابت ما قلت ليك خففي الشدو ده العيون دي ما بتقتل ليها زول
ستنا تضحك
ملحوظه
ستنا عيونه الاثنين ياكافي البلا واحده حوصه وواحده عوره
مجذوب
والله ياست الجميلات البلد دي مافيها رجال هسي زي الجمال ده يروح كده ساكت
ستنا
والله يامجذوب انت راقي خلاص عن اذنك اصلي اتاخرت علي الشغل
مجذوب
بختهم ناس الشغل يشوفو في الجمال ده كلو ساعات العمل كلها
(كششششششششششششششللللللللللووووووووووووو)
ماتستغربو ده صحانه الجمعيه الخيريه بتاعه النسوان اتكسرت من شده كذب مجذوب ومجاملاته
انتظرو للحديث بقيه كان الله مد في الايام[/

[الشمشار]

نواصل مع مجذوب
سميره زميلتو في الشغل عمرها 45 سنه والله مابتقدر تعاين ليها مرتين من شناته
بقول ليها سمسم
اها اخليكم مع حوار مجذوب وسمسم مع ملاحظه انو سميره دي عامله فيها لسه عمره 20 سنه لسه بتجي الشغل بالاسكيرتي والبلوزه
مجذوب
صباح الورد والياسمين علي ست الانيقات والانيقين
(لابسه جزمه صفرا واسكيرتي ليموني وبلوزه فوشيه )
وينه الاناقه هنا ؟؟؟؟؟؟؟؟؟؟
سمسم
اهلا ميجو
مجذوب
تعرفي البنات الفي الشغل ديل بسحروك انتي اتبخري بي بخور مسبع سبعه مرات في الدقيقه
سمسم تضحك
مجذوب
الله الله بيتهوفن لو كان حاضر الضحكه دي كان عملها مقطوعه موسيقي ياخواتي ده شنو الجمال ده
(مع انو ضحكتها زي الرعده )

سمسم
هوووي ده بقي غزل عديل كده
(عملت فيها نظام ما راضيه الكلام ده وكدهمع انو الكلام ده مقطع مصارينه وعاجبه عجب )
مجذوب
هو انا اطول هههههههه
سمسم
(وقد بدئت تصدق )
مجذوب
مجذوب
ياعيون مجذوب
سمسم
يعني انا حلوه يامجذوب
مجذوب
حلوه هو انتي حلوه بي عقل انتي الجورجينا والماكنتوش وجلاكسي ما زيك
سمسم
طيب ما تعرسني
ددددددددلللللللللللللللللللللددددددددددددددددللللل لللللللل دودللللللللللل دلللللللللللل
دي ما المؤثرات بتاعه كذب مجذوب بس ده صوت وقوع مجذوب علي الارض مغمي عليه بعد ان وقع في شر اعماله
نقطه سطر تاني
كم من امثال مجذوب في مجتمعنا مجرد سؤال
ودعتكم الله

[خرخرة]

يبدو أن للإبداع قلب متسارع الخفقات تماما كما هو حال قلوبنا التي تسارعت وهي تقرأ هنا.

أخي الشمشار تذكرت أحبه وأصدقاءاً لي خُلقوا ليملؤا الدنيا ألقاً وإبداعاً ,, أمثال المبدع طارق جبريل

الأشتر ,, سوداني جداً ,, محسن خالد .,, مبدعين مازالوا في العقل والقلب ..

شكراً لك ولجمال إبداعك الطافح ومزيداًَ من الألق أتمناه لك...

تمتماتي تعانق روحك الطيبة ..

[الشمشار]

يبدو أن للإبداع قلب متسارع الخفقات تماما كما هو حال قلوبنا التي تسارعت وهي تقرأ هنا.

أخي الشمشار تذكرت أحبه وأصدقاءاً لي خُلقوا ليملؤا الدنيا ألقاً وإبداعاً ,, أمثال المبدع طارق جبريل

الأشتر ,, سوداني جداً ,, محسن خالد .,, مبدعين مازالوا في العقل والقلب ..

شكراً لك ولجمال إبداعك الطافح ومزيداًَ من الألق أتمناه لك...

تمتماتي تعانق روحك الطيبة ..




خرخره شكرا علي الكلمات البتخر عسل دي هههههههههههه مشكووور اخي ونتمني ان نكون عند حسن الظن دائما