شبح البكيات( قصه من حلتنا )

[الشمشار]

سلامات وهاكم الشمار رقم 3
في ناس عندهم عادات غريبه
يعني واحد تلقاهو عندو غرام مع العملات القديمه يلمها ليك من زمن جدي حي
وفي ناس كده يلمو ليك الكرور والحاجات المامنها فايده لكن انا الليله داير احكي ليكم عن حاجه يشهد الله انها واقعيه
محمد موسي هكذا اسمه الحقيقي الا انو ناس الصحافات عامه كده سموهو شبح البكيات
الزول ده ما يشوف لي صيوان بكاء ساكت الا تلقي قاعد وطبعا السبب الا كل
ايواااااااه جنو اكل
عشان كده سموه شبح البكيات
ترقبو قصص شبح البكيات حصريا عبر قناه الشمار الخاصه بي
الشمشار

[الشمشار]

ارجع ليكم لي شبح البكيات
محمد موسي
سمات شخصيته
صامت دائما
وبرضو سكران طوالي
له ميزه معرفه مكان البكاء ولو علي بعد الف ميل
(الصحافه الامتداد جبره )هي مواقع نشاطه
دائما مايلبس هدوم الوانها غريبه ولو انها ما بتخرج من بنطلون قماش وقميص كم طويل
عنده كرش ماشاء الله ايواه زي كرش هناي ههههههههههههههه انا ماقلت الاسم
طبعا شبح البكيات اول مايشوف صيوان وبتمني ليكم كاكم طول العمر بمشي علي
اولا الفاتحه (نفترض انو الدنيا صباح قبل الفطور )بعد داك يقعد يعصر البرش لحدي وقت الفطور ومن هو يجي لحدي وقت الفطور بشرب لي تمنيه تسعه كبابي بتاعه شاي
وبعد يفطر بيمشي علي الطرمبه بتم التنك بتاعو ههههههههههههه الطرمبه الاسم الحركي لي بيت العرقي وبجي راجع مع الغداء يتغدي في بيت البكاء ويواصل كده لحدي العشاء بعد العشاء طوالي بتحرك لي بيتو المجهول للجميع حتي الان
مره في واحد من بكيات حلتنا عندنا صاحبنا قال الا يعمل فيهو مقلب جاب شاي مر وخته فيهو ملح وشطه وختاهو في كبايه مميزه(طبعا شبح البكيات مافي صينيه شاي تمر الا ويكون عندو فيها نصيب )المهم صاحبنا شال الكبابي ومشي عليهو واداهو الكبايه الملغمه ديك الغريبه انو تقول حسه ختاها جنبو وابي يشربها وبعد شويه جاء واحد شليق كده دقش الكبايه ودفقها
هذه هي القصه الاولي وترقبو المزيد
بس اعذروني الا يام دي مشغول شويه وكل ما افضي حا احكي ليكم عن شبح البكيات
ترقبو قصص عم التوم والضمنه علي قناه الشمارات